أهم10 نصائح للتحضير للإنترفيو




مرحلة الانترفيو هى المرحله التانيه بعد مرحلة ال C.V


ودى بقى مرحلة ( الوحش ) اللى لازم تكون جاهز ليها لانها المرحله اللى يا اما هتتقبل وتكمل فى الشغلانه دى فتره طويلة من حياتك



او هتترفض وساعتها هتقعد فتره حلوه مع اصدقائك على الكافيهات


واول نصيحة لازم نخلى بالنا منها
1- ملابس الانترفيو


ودى من اهم الحاجات اللى لازم تخلى بالك منها يعنى (للولاد بلاش طبعاااا شورتات وبنطلونات ملونه هو مش فرح



ونفس الكلام للبنات يعنى الالوان الفاقعه والميكياج الاوفر


يعنى يفضل كمان يكون لبسك يشبه ملابس الشركة ( اليونيفورم )
2 – النوم


تنام كويس جداا قبل ميعاد الانترفيو علشان متروحش تنام هناك فى المقابلة او تروح عليك نومه ومتروحش خالص
3- معرفة الشركة ( هااااام جداااا )


لازم تكون انت عارف انت رايح تعمل انترفيو فى شركة ايه ؟


تعرف ( تاريخ الشركه – تخصصها – رئيسها مين ……) علشان يبان انك مهتم فى الشركة دى بالذات
4 – مذاكر كويس


لازم تكون عارف اهم الأسئلة اللى بتتسأل عن مجالك كويس وإلا هيبان انك مش فاهم فى مجالك اصلا
5- التدريب


لازم تتمرن على الانترفيو فى دماغك علشانت تقلل حدة التوتر الموجوده اثناء الانترفيو


وتتمرن كمان على الاسئلة اللى ممكن يسألهالك ال HR
6- لازم تكون عارف
انك لو اترفض فإنت مترفضتش من الجنه
زى ما الشركة بتعملك انترفيو , انت كمان بتعملها انترفيو , مش اى مكان والسلام
هم محتاجينك زى مانت محتاجهم ( بس بلاش تكبر علشان فيه الف زيك )
7- الهدوء


حافظ على هدوئك فى الاعداد للإنترفيو علشان هتتوتر اكتر هناك
8- خد بالك من وقت


لازم تروح الانتر فيو فى ميعادك بالظبط او قبليها , علشان هيبان انك مستهتر لو رحت متأخر
9 – ذاكر ال C.V بتاعك



مينفعش ال HR يسألك عن حاجه فى ال C.V بتاعك ومتعرفش تجاوب , ولو فيه معلومات اتغيرت , ياريت تروح

نسخه معدله من ال C.V بتاعك بعد التعديل
10–الثقة بالنفس



يجب عن التقديم لأي وظيفة أن تكون علي ثقة تامة بقدراتك للحصول على هذة الوظيفة .

رابط التحميل المباشر

لمناقشة الكتاب : جروب أطلب كتابك
لتحميل المزيد من الكتب ، او اطلب كتاب : موقع اطلب كتابك

كمثقف انشر الكتب بين اصدقائك على

الفيسبوك تويترجوجل بلس
تنويه : اذا وجدت رابط لا يعمل ، كتاب له حقوق ملكية ، او اردت نشر كتاب او مقال خاص بك على الموقع : راسلنا عن طريق رسائل صفحة أطلب كتابك

عن الموقع

الموقع تابع لجروب اطلب كتابك ، نرجو منك متابعتة على فيسبوك

التعليقات
0 التعليقات