أشهر 10 أخطاء ممكن تعملها فى الإنترفيو

تحميل مجانا بروابط مباشرة وقراءة أونلاين أشهر 10 أخطاء ممكن تعملها فى الإنترفيو pdf


ممكن تبقى برنس ومهاراتك عالية وكلمتين بس يضيعوا منك الوظيفة كلها ,

ممكن تبقى محضر نفسك جدااا وتنسى حاجه مهمة , فتقع من نظر المحاور

علشان كده , دول اخطر الأخطاء اللى ممكن تعملها فى الإنترفيو

ولو نسيت تعرف إزاى تحضر نفسك للإنترفيو اصلا , هتعرف ده من مقال
 أهم10 نصائح للتحضير للإنترفيو :-  هنا

ودول ياريس أخطر و أشهر 13 سؤال فى الأنترفيو  من هنا : –

طب اية بقى اخطر الأخطاء اللى ممكن تعملها فى الإنترفيو : –

1 – التركيز على نفسك

الشركة اللى انت هتعمل فيها الإنترفيو , مش جايباك علشان انت برنس وجامد جدااا , بس علشان هى عايزه تعمل شغل معين وتعين انسب واحد فى الشغل ده ,علشان كده متقعدش تتكلم طول الإنترفيو عن نفسك وإنجازاتك , و تنسى تتكلم عن انك إزاى هتفيدهم لما هيشغلوك , وهل انت هتعرف تعمل الشغل اللى هم طالبينة منك ولا لأ

2 – عدم التفكير بعض الوقت فى إجابتك

صحيح فيه بعض الأسئلة مش محتاج انك تفكر علشان تقولها , بس بعض الأسئلى التانية انت محتاج تفكر فيها , وإلا هتبان قدام المحاور انك حافظ مش فاهم , وانك صحيح حضرت للإنترفيو لدرجة انك حفظت الأسئلة والأجوبة , وهيتأكد كمان ان دى مش شخصيتك الحقيقية وإنك بتتصنع إنك فاهم وانك فعلا مش فاهم أى حاجه
3 – الدوران حول الإجابة المطلوبة


يعنى انك تحور على المحاور , وهنا بقى انت نسيت انه قعد قدام مليون واحد قبلك وانه فاقسك , وساعتها هيشك انك كداب و انك مش زى ما بتصورلة وبتشرحلة , وهنا هو هيحاول يقصر الإنترفيو وهيقولك هنتصل بيك ان شاء الله , وساعتها اعرف انك تلحق تقدم فى شركة تانية بسرعة

4 – عدم فهم الشركة أو طبيعيتها

وده لما واحد صاحبك يقولك تعالى  وانا اشغلك ويدخلك الشركة وانت مش فاهم اى حاجه فى أى حاجه , وساعتها المحاور يسألك وانت مش عارف حاجه , أو تكون مقدم فى 100 شغلانة ويجيلك تليفون لإنترفيو ومتعملش سيرش على الشركة وتروح وانت مش فاهم الشركة دى اصلا بتبيع ايه , وساعتها برضه هيبان انك مش مهتم , أو بتضيع وقت وخلاص , وهنا ممكن تترفض فى الإنترفيو من قبل أما يبدأ اصلاً
حاول جداا تعرف الشركة اللى رايحها , وتكون دارسها وعارفها كويس وعارف ( مجال الصناعة – رئيس مجلس الإدارة – الهيكل الوظيفى – الملابس الرسمية للشركة ….. الخ )

5 – إنك توصل متأخر

وهنا دى لوحدها كارثة  , يعنى انت متوقع إزاى انك شغلك يخلص والمتقدم للوظيفه جايلك اصلا متأخر
, وهنا من حق الشركة انها تلغى الإنترفيو أصلا , وتترفض بجد من غير اما يشوفوك اصلا

6 – التقدم لوظائف مختلفة فى نفس الوقت

مبدأيا ده هيلغبطك جدااا , تخيل انك رايح الشركة ومحضر انترفيو وظيفة مبيعات وهم قرروا يوظفوك كـ ريسيبشن
والغلطة الأكبر إنك تبقى باعت ال C.V وكاتب انك نفسك تغير مجال المحاسبة وهم محتاجين وظيفة تسويق

7 – التحدث حول الراتب أولاً

هقبض كام ؟؟! هاه هاه هقبض كام ؟!! – ماترد عليا هقبض كام ؟!!
وهنا هيبان انك مادى جدااااا وانك ممكن تسيب الشركة بكل سهولة لو فيه شركة تانية هتدفع مليم زيادة , وهيخاوفوا اصلا انهم يوظفوك

8 – التكبر

اللى هو (( قبلتونى , كان بها , مقبلتونيش يبقى خسرتوا فنان مبدع )) , المحاور قدامه 100 واحد غيرك ممكن يعمل معاهم انترفيو ,
فمتتخيلش انك لما تقول كده فإنت واثق كده من نفسك , وده لأن الفرق بين ( الثقة بالنفس – الغرور )  فرق صغير جدااااا

9 – عدم طرح الأسئلة

خليك شغوف وأسأل عن الشركة , والهيكل بتاعها وحسسهم انك مهتم بالشركة دى بالذات ومهتم إنك تشتغل وإنك طموح

10 –  تجاهل لغة الجسد

المحاور اللى بيعمل اللإنترفيو شاف ناس كتير ودرس لغة جسد , فتجنب لغة الجسد اللى تدل انك مش مهتم زى تشابك الأيدى , أو انك مختلف فى الرأى فى تشابك الأرجل و ( ابعد عن اى تشابك فى اى حاجه ) , هزة الأرجل العنيفة لأنها بتدل على التوتر الشديد والقلق , خلى بالك من ملامح وشك وفكها خليك مرح متبقاش مكتئب

11 – الملابس الغير مناسبة

انت مش رايح فرح , (  للشباب ) , اكيد متروحش بشورت أو بنطلون الموضة المقطع , أو تسريحة الشعر الأوفر
(( للبنات )) الميك أب ميكونش أوفر – الملابس مش ملونة احمر واصفر واخضر والألوان الفاقعه ( مش فرح والله )
سواء ولد أو بنت – البس/ى فورمال – ويفضل يكون الملابس أقرب لملابس الشركة الرسمية ونفس اللون

رابط التحميل المباشر

تنويه : اذا وجدت رابط لا يعمل ، كتاب له حقوق ملكية ، او اردت نشر كتاب او مقال خاص بك على الموقع : راسلنا عن طريق رسائل صفحة أطلب كتابك
إذا واجهت مشكلة في تحميل الكتاب جرب هذا التطبيق لتحميل الكتاب مباشرة ولقراءة الكتاب مجانا لتحميل تطبيق Brave

عن الكاتب

الموقع تابع لجروب اطلب كتابك ، نرجو منك متابعتة على فيسبوك

0 التعليقات لموضوع "أشهر 10 أخطاء ممكن تعملها فى الإنترفيو "


الابتسامات الابتسامات