تحميل رواية أمير الذباب pdf وليام جولدينج

تحميل مجانا بروابط مباشرة وقراءة أونلاين تحميل رواية أمير الذباب pdf وليام جولدينج pdf

تحميل رواية أمير الذباب pdf  وليام جولدينج 

 

 

أمير الذباب....اسم غريب لرواية اغرب رواية حصلت على جايزة نوبل!...ويالها من رواية مجموعة من الاطفال مسافرين على طيارة الطيارة وقعت بيهم فالبحر فراحوا لجزيرة وبقيوا فيها لحد ما حد يسال عنهم او يدور عليهم....البطل هو رالف الولد اللي يحمل الشخصية القائدة المتحملة للمسؤلية والمحبوب من الكل واللي يعتبر ناضج وعاقل جدا بالنسبة لسنه....معاه تلات اولاد شخصيات رئيسية....جاك الولد اللي لا يؤمن الا بالقوة وهو اكبرهم سنا وواكثرهم شراسة....وبيجي الولد السمين اللي دايما بيقول الصح بس ماحدش بيسمعه وبيستخفو بيه....واخيرا سايمون اللي حتدور حوله حبكة الرواية....الرواية خيال محض اعتقد انها كانت في وقت الحرب العالمية التانية....مجموعة من الاطفال في جزيرة.....بيحاولو يتصرفو بتحضر ويحمو نفسيهم ويقسموا نفسهم لاعمال تحافظ على المجموعة....مجموعة تجيب اكل ومجموعة تبني بيوت ومجموعة تشعل النار على قمة الجبل كنوع من الاشارة لاي حد عشان يشوفهم...الغريبة في الرواية دي على الرغم من بساطتها الشديدة....انها بتحكي عن طبيعة البشر...وطبيعة الدول وطبيعة السياسة وطبيعة الغرائز...وطبيعة الغباء البشري....والصراع...كل ده بشوية اطفال!...رالف القائد المناسب يحاول يوجه مجهود المجموعة لهدف اسمى وهو انهم ينقذوا....وفي نفس الوقت متفاءل جدا وعارف انهم حينقذوا وحد حيلاقيهم في يوم من الايام ومهما تمر الأيام مش بييأس (شوفت فيه التيار الديني المتفاءل المؤمن بالعدل وبالخير في النهاية)....المحارة اللي بتدي الحق لحمالها انه يتكلم والباقي يسكت...حسيت ان ليها مدلول في ارض الواقع ممكن نقول انه البرلمان مثلا. الشخصية اللي قصاده جاك....واحد بيسمى نفسه عقلاني ومنطقي...مؤمن انهم حيعيشوا طول حياتهم في الجزيرة دي ومحدش حيلاقيهم....وكل همه اللحمة...انه يصطاد ويجيبلهم لحمة...ولا يؤمن الا بالقوة....وشايف ان رالف اخد منه القيادة وهو اللي يستحقها (شوفت فيه العسكر بشدة والتيار المادي الغير مؤمن بالروحانيات)....يعمل ايه بقى....يبدأ يشكك في قدرات رالف على القيادة ويتصيدله الاخطاء....يجيب مجموعة من الولاد يساعدوه ويكونو عون وقوة ليه....يجبرهم على الطاعة العمياء في مقابل انه يمنحهم اكل باستمرار....ويوهم الاولاد كلهم انه في وحش في الغابة حياكلهم وانه الوحيد اللي يقدر يقف قصاده! يحصل انقسام في المجموعة وتبقى الفئة دي ضد الفئة دي....واعوان رالف يقلوا من حواليه واحد ورا التاني وينضموا لجاك...عشان اللحمة!...وعشان القوة اللي بتحسسهم بالامان....لانهم خايفين من الوحش الوهمي....بعد ما جاك يحس بالقوة وبان معظم الاولاد معاه...يبدأ يهاجم رالف وسايمون وبيجي....ياخد منهم اللي يفيده ويضيق الخناق عليهم....في لحظة هيستيرية حيخلي الاولاد يقتلوا سايمون في الظلام معتقدين انه الوحش!.... (رالف على اليسار وجاك على اليمين)وبعدها يتشجع رالف هو وبيجي ويحاولو يتكلمو مع جاك والاولاد ويقنعوهم انهم لازم يكونوا واحد عشان يقدرو يعيشو في الجزيرة دي....يقوموا يقتلو بيجي قدام عيون رالف!...وتيجي اشهر جملة في الحكاية....لما رالف يقول لجاك انه مش حينجو باللي عمله ده.....يقوم جاك يرد عليه ويقوله يعني انت تقدر تعملي ايه؟!صحيح حيقدر يعمله ايه؟....ايه اللي يقدر اي مواطن يعمله للعسكر وهما معاهم القوة والسلطة...يقدر يظلمك ويدوس عليك وماتقدرش تعمل حاجة....ولو قولتله ان اللي بتعمله ده ظلم حيقولك حتقدر ترد؟ النهاية كانت سيريالية وجميلة ان في حد لقاءهم فعلا....وسط بكاء رالف اللي كان خلاص حيتقتل....بعيدا عن فكرة الرواية .....اللغة اللي ببيصف بيها الكاتب كل ما في الجزيرة كانت لغة مرئية حسستني اني باشوف كل حاجة فعلا قدامي....لدرجة اني لما اتفرجت على الفيلم لقيت كل حد في الاولاد زي ماتخيلته....ولقيت كل تفصيلية في الرواية زي ماتخيلتها....وعلى فكرة دي مهمة صعبة جدا ان كاتب يصف كل حاجة بدقة البيوت الزرع الوحوش الخنازير الاولاد الحوارات.....مشهد النهاية المفاجئ....تصوير الشخصيات الدقيق والرمزي جدا.....الحقيقة الرواية فعلا مقارنة بالزمن اللي اتكتبت فيه تعتبر جميلة وغريبة ومؤلمة....بتعرينا قدام انفسنا...بتوصف المجتمعات بشكل نادر كدة ومش مباشر....رواية جميلة تستحق القراءة.  
تنويه : اذا وجدت رابط لا يعمل ، كتاب له حقوق ملكية ، او اردت نشر كتاب او مقال خاص بك على الموقع : راسلنا عن طريق رسائل صفحة أطلب كتابك